«Айгерім» клиникасында әртүрлі көз ауруларын емдеумен айналысатын офтальмохирургия орталығы жұмыс істейді. Мұнда барлық жастағы пациенттер Батыс Қазақстандағы ең жоғары деңгейде, ұзақ кезексіз және қолжетімді бағамен білікті медициналық көмек ала алады.
Негізгі басымдық — балалар мен ересектердің көру қабілетін мойындалған стандарттарға сай дәл әрі толық диагностикалау. Заманауи диагностикалық жабдықтардың және жоғары білікті дәрігерлердің болуы аурудың себебін жедел әрі сапалы анықтауға және озық әдістерді қолдана отырып тиімді ем тағайындауға мүмкіндік береді.
МАМАНДАР
Біздің офтальмологиялық орталықтағы барлық офтальмолог дәрігерлер мен медициналық мейірбикелер — өздерінің теориялық білімін, практикалық дағдылары мен кәсіби шеберлігін үнемі жетілдіріп отыратын жоғары білікті мамандар. Орталықта офтальмологияның барлық бағыттары бойынша мамандар бар: катаракта мен глаукома, витреоретиналдық хирургия, балалар мен ересектердегі қылилық, қасаң қабық (соның ішінде кератоконус) және көздің тор қабығы аурулары және т.б.
ЖАБДЫҚТАР
Орталық заманауи медициналық құрал-жабдықтармен толық қамтамасыз етілген. Барлық қызметкерлеріміз аппаратурамен жұмыс істеу бойынша арнайы оқытудан өткен, бұл олардың мүмкіндіктерін пациенттің игілігі үшін барынша тиімді пайдалануға мүмкіндік береді.
БІЗДІҢ БАҒАЛАР
Баға саясаты барысында біз жоғары білікті медициналық көмекті халықтың кең тобына қолжетімді ету үшін ең төменгі бағаларды ұстануға тырысамыз — бұл біздің әлеуметтік жауапкершілігіміз деп білеміз. Сонымен қатар, біз заманауи жабдықтар мен шығын материалдарынан үнемдемейміз, сондықтан медициналық орталығымыздағы диагностика мен емнің құны «баға/сапа» арақатынасы бойынша оңтайлы болып табылады.
