Айгерим клиникасы көруді қалпына келтірудің заманауи әдісін — LASIK көруді түзету процедурасын ұсынады. Лазерді қолдана отырып жасалатын көруді түзету – көз ауруларының келесі түрлерінде тиімді әрі перспективалы әдіс болып табылады: жақыннан көрмеушілік (миопия), астигматизм, алыстан көрмеушілік (гиперметропия).
Офтальмологиядағы ең тиімді процедуралардың бірі — LASIK көруді түзету — басқа әдістер нәтиже бермеген жағдайларда қолданылады. LASIK операциясының ерекшеліктері:
қасаң қабықтың анатомиясының сақталуы;
инфекция түсу қаупінің болмауы;
оңалту кезеңінде пациентке жайсыздықтың болмауы.
Көруді түзету алдында міндетті түрде мұқият диагностика жүргізіледі. LASIK процедурасы жергілікті жансыздандырумен, амбулаториялық жағдайда орындалады.
LASIK әдісінің артықшылықтары
Процедурадан кейінгі келесі күні-ақ пациент қалыпты өмір салтына қайта орала алады. Сыртқы зақымдардың болмауы қасаң қабықтың анатомиясын сақтауға мүмкіндік береді, бұл өз кезегінде жайсыздықты болдырмайды. Амбулаториялық түрде жасалатын операция ауруханаға жатқызуды және ұзақ оңалтуды қажет етпейді. Қалпына келу бірнеше сағатты ғана алады және оны клиникада немесе үйде өткізуге болады. Операцияның нәтижесі алғашқы күні-ақ байқалады. Отадан кейін асқынулардың болмауы және операцияға өмір бойғы кепілдік — пациенттерді ұзақ жылдар бойы бақылау мен әдістеменің жетілдірілуінің нәтижесі.
LASIK көруді түзету бір мезетте екі көзге де жасалуы мүмкін. Бұл ретте қалпына келу кезеңінің ауырсынусыз өтуі де, нәтижесінің тиімділігі де толық қамтамасыз етіледі.
LASIK операциясына қарсы көрсетілімдер:
жүктілік және емшек емізу кезеңі;
катаракта, глаукома;
қант диабетінің соңғы сатысы;
иридоциклит;
көздің тор қабығы ажырауына байланысты бұрын жасалған операциялар;
үдемелі миопия;
қасаң қабықтың дегенерациясы мен дистрофиясы;
көздің қабыну аурулары;
көз түбінің патологиялық өзгерістері;
ағзаның жүйелік және эндокриндік аурулары.
Офтальмологқа жазылу телефоны: 8 7132 905 100.