Жаз мезгілінде көптеген адамдардың тамақтану әдеті өзгереді: салқын сусындар, балмұздақ, фастфуд, көше тағамдары жиі тұтынылады, сондай-ақ жаңа піскен көкөністер мен жемістердің мөлшері артады. Ыстық ауа райында азық-түлік тез бұзылатындықтан, тағамнан улану мен асқазан-ішек жолы ауруларының асқыну қаупі де жоғарылайды.

Жазда көбінесе гастрит, асқазан және он екі елі ішектің ойық жарасы, гастроэзофагеальді рефлюкс ауруы (ГЭРА) және ас қорыту жүйесінің функционалдық бұзылыстары асқынады.

Төмендегі белгілер байқалса, дәрігерге қаралған жөн:

✔ асқазан тұсының ауыруы немесе күйдіру сезімі;
✔ тамақтан кейінгі ауырлық;
✔ жүрек айну;
✔ қыжыл;
✔ іштің кебуі;
✔ нәжістің бұзылуы.

Асқынудың алдын алу үшін дұрыс тамақтану режимін сақтау, көкөністер мен жемістерді мұқият жуу, жеткілікті мөлшерде таза су ішу, шамадан тыс тамақтанудан және сапасына күмәнді тағамдарды тұтынудан бас тарту маңызды.

Егер жағымсыз белгілер бірнеше күн бойы сақталса немесе күшейсе, дәрігерге қаралуды кейінге қалдырмаңыз. Уақтылы тексерілу аурудың себебін анықтап, тиімді ем тағайындауға мүмкіндік береді.

«Айгерим» клиникасында сіз маманның кеңесін алып, асқазан-ішек жолы ағзаларын қажетті тексеруден өте аласыз.

Бұл ақпарат таныстыру мақсатында берілген және дәрігердің кеңесін алмастырмайды.