Бауырдың майлануы (майлы гепатоз) – бауырдың жиі кездесетін ауруларының бірі. Аурудың бастапқы кезеңінде айқын белгілер болмайды және ол көбіне профилактикалық тексеру кезінде кездейсоқ анықталады.

Қанның жалпы талдауы бұл диагнозды нақты қоймайды, бірақ бауыр қызметіндегі өзгерістерге күмән туғызуға және қосымша тексерудің қажеттілігін анықтауға көмектеседі.

Бауырдың майлануына күдік болған жағдайда дәрігер биохимиялық қан талдауын тағайындауы мүмкін. Онда келесі көрсеткіштерге ерекше назар аударылады:

✔ АЛТ және АСТ – бауыр жасушалары зақымданғанда жоғарылауы мүмкін;
✔ ГГТ – бауыр мен өт жолдарының аурулары кезінде жиі жоғарылайды;
✔ Билирубин – бауырдың қызметін бағалауға мүмкіндік береді;
✔ Қандағы глюкоза деңгейі және липидтік профиль – зат алмасу бұзылыстарын анықтауға көмектеседі, өйткені олар майлы гепатозбен жиі қатар жүреді.

Алайда қан талдауының көрсеткіштері қалыпты болғанның өзінде де бауырдың майлануы болуы мүмкін екенін есте ұстаған жөн. Сондықтан қауіп факторлары болған жағдайда дәрігер бауырдың ультрадыбыстық зерттеуін немесе басқа да қосымша диагностикалық әдістерді ұсынуы мүмкін.

«Айгерим» клиникасында сіз зертханалық талдаулардан өтіп, дәрігердің кеңесін алып, бауырдың жағдайын жан-жақты бағалауға қажетті тексерулерден өте аласыз.

Бұл ақпарат таныстыру мақсатында берілген және дәрігердің кеңесін алмастырмайды.