Артериялық гипертония — қан қысымының 140/90 мм сын. бағ. және одан жоғары деңгейде тұрақты көтерілуімен сипатталатын кең таралған созылмалы аурулардың бірі. Бұл жағдайдың қауіптілігі — оның ұзақ уақыт бойы ешқандай белгілерсіз өтуінде.
Көптеген адамдар өздерін жақсы сезінеді және қан қысымының жоғарылағанын байқамауы мүмкін. Сондықтан гипертонияны көбінесе «үнсіз ауру» деп атайды. Оны уақытында анықтаудың ең сенімді жолы — қан қысымын жүйелі түрде өлшеп отыру.
Мамандардың мәліметінше, гипертониясы бар адамдардың едәуір бөлігі өз диагнозы туралы білмейді, себебі ауру көп жағдайда айқын белгілерсіз дамиды.
Гипертонияның даму қаупін арттыратын факторлар:
✔ 40 жастан асу;
✔ тұқым қуалаушылық;
✔ артық салмақ;
✔ физикалық белсенділіктің төмендігі;
✔ тағамдағы тұздың шамадан тыс болуы;
✔ темекі шегу және алкогольді көп пайдалану;
✔ тұрақты күйзеліс.
Қуанышты жаңалық — жоғары қан қысымын бақылауға болады. Ол үшін дұрыс тамақтану, тұзды азайту, белсенді өмір салтын ұстану, дене салмағын қалыпты деңгейде сақтау және зиянды әдеттерден бас тарту ұсынылады.
Егер дәрігер дәрі-дәрмек тағайындаса, оны тұрақты қабылдап, емді өз бетінше тоқтатпау маңызды.
Қан қысымын бақылау — инсульттің, инфаркттің, жүрек жеткіліксіздігінің және бүйрек ауруларының алдын алуға көмектесетін қарапайым әрі маңызды әдет.
Денсаулығыңызды күтіңіз және қан қысымыңызды тұрақты түрде бақылап отырыңыз.